IMG_9081.JPG
 

Frå Bach til Bacharach

3-9 juli 2017

 
_DSC0567.jpg

Program 2017

 

Måndag 3. juli kl 18

Terje Nordby og Venezianerne

Barokkensemblet Venezianerne: Ingeborg Christophersen – blokkfløyte, Ingvild Habbestad – fiolin, Vegard Lund – lutt, Erlend Habbestad – cello og Joakim Nordin – slagverk. I år har festivalens trufaste støttespelar, Chris Dankel, inngått samarbeid med Terje Nordby om eit program med utgangspunkt i tidlegmusikk frå Venezia (Bassano, Castello, Falconieri, Kapsberger, Marini, Monteverdi, Uccelini og Vivaldi). Nordby er kjend som dramatikar og forfattar for Tramteateret. Han har dessutan stor interesse for mytar, noko som m.a. har resultert i ei lang rekkje radiosendingar av programmet "Mytekalenderen" på norsk P2. 


Tysdag 4. juli kl 18

Marie Munroe: Burt Bacharach

Hilde Marie Kjersem (også kjend under artistnavnet Marie Munroe) sin karriere starta på jazzscena og er seinare utvida til popmusikk. Herverande konsert inneheld popmusikk frå ulike tiår oog komponistar. Hovuddelen utgjer ei samling låtar av Burt Bacharach, den kjende popartisten frå 1960- og 70-åra; bl.a. Alfie, I say a little prayer for you og The look of love. Låtane er arrangerte for fiolin, cello og piano av Petter Winroth og Trond Kjelsås.


Onsdag 5. juli kl 18

Föhn Wind Quintet

Ein for høvet samansett blåsekvintett, beståande av dei beste blåsarane i norske orkestermiljø: Tom Ottar Andreassen – fløyte (Oslo-Filharmonien), Ingunn Lien – obo (Fannaråken og Det Norske Blåseensemble), Hans Christian Bræin – klarinett (professor NMH), Marinette Tonning-Olsen – horn og Embrik Snerte – fagott (begge i Kringkastingsorkesteret) framfører eit samansett program med bautaer frå kvintettlitteraturen (bl.a. Carl Nielsen og Györgi Ligeti) samt litt Klezmer og sommarleg musikk frå tre århundrer.

 


Torsdag 6. juli kl 18

Smôgajazz: Kjersem Kjelsås Kvartett

Me har bedt Hilde Marie Kjersem stogga eit par dagar, og vera vokalist med Kjelsås jazztrio. Det var først som jazzvokalist Hilde vart kjend, bl.a. i langvarig samarbeid med gitaristen Jon Eberson og Sigurd Hole i Eberson trio. Dei øvrige medlemene i bandet blir Trond Kjelsås – piano, Rolv Olav Eide – trommer og Per Mathisen – bass, i ein (ved godt vêr) utandørs jazzkonsert som tek for seg av det rike standardrepertoaret. 


Fredag 7. juli kl 18

Quartetto Testosterone

med Daniel Lyngstad – fiolin, Sondre Fjose – fiolin, Arvid Resare – bratsj og Sverre Barratt-Due – cello, spelar Haydns strykekvartett op. 33 nr. 2 (Spøken), Franz Schuberts 4. strykekvartett (1813) og Giovanni Sollimas Sonnets et Rondeaux for String Quartet.


Laurdag 8. juli kl 12

Barnekonsert

Artisten Solfrid Molland inviterer oss med på ei spennande reise til ein musikarlandsby i Romania, der borna lærer å dansa og spela frå dei er små. Om kvelden tenner vaksne og born bål utanfor huset. Dei er stille saman, syng og fortel eventyr. Me får vera med og høyra korleis musikken vart romfolket sitt heimland. Borna i publikum er med og syng på refrenga, dansar og lærer å telja til fem på det hemmelege språket romanes. 

 

Laurdag 8. juli kl 15

Borna sin aktivitetsdag

Festivalkunstnar Annie Lindgren presenterer nye kunstverksaktvitetar for borna. I fjor bygde dei ein by i leire. I år er det andre teknikar som skal utprøvast. Akkurat kva har ho til no halde hemmeleg...


Laurdag 8. juli kl 18

Musikken er mitt fedreland

Solfrid Molland har i lang tid lært sigøynarsongar av romfolket. I denne konserten opptrer ho saman med Gjertrud Økland – fiolin, kjend frå Gjertruds sigøynerorkester, og Torstein Kinn – kontrabass, og set eit musikalsk og poetisk lys på romafolket, den største minoriteten i Europa.

 

Sundag 9. juli kl 17

Balladar & stev

Vokalisten og kvedaren Kim André Rysstad har arbeidd med den folkelege songstilen frå Valle i Setesdal, også på tvers av sjangrar, og hentar inspirasjon frå country, blue-grass, pop osb. Med seg har han den unge, framstormande slagverkaren Christian Krogvold Lundqvist som har studert ved Julliard School of Music i New York og no er alternerande soloslagverkar i Kringkastingsorkesteret. Ingvild Habbestad tør vera kjend for Smôgapublikum som klassisk fiolinist og hardingfelespelar. Saman framfører dei eit ballade- og folkemusikkprogram.

 
_DSC0566.jpg

Medverkande

Annie  Lindgren — festivalkunstnar
Som i fjor er Annie Lindgren vår festivalkunstnar. Faget hennar er keramikk, men i år står det i glasets teikn, og som del av prosjektet har ho utfordra festivalvertinne Inger Elisabeth B. Habbestad som assistent. Annie vil òg i år vera ansvarleg for den store barnedagen.
Annie har si utdanning frå bygda sin eigen folkehøgskule, Kyrkerud i Årjäng, frå Konstskolan KUBEN i Örebro, Kunsthøgskolen i Bergen (kandidat og master) Høgskolen i Telemark, og HDK i Göteborg. Ho har hatt ei rekkje separatutstillingar i Sverige og Norge. Sjølv seier ho: “Med mina objekt vill jag beröra och kommunicera. I mitt konstnärskap kombinerar jag ofta material för att förstärka ett uttryck. Men främst utgår jag från mitt keramiska kunnande. Jag vandrar i gränslandet mellan konst och konsthantverk. Lekfullt mänskliggör jag tingen och undersöker dess kommunikativa förmåga. Jag hämtar inspiration från konst- och religionshistoriens symbolvärld. Jag utgår från det vardagsnära, det banala, klichén, det igenkännbara och jobbar brett, med allt från lergods till porslin. Dekaler och bladguld får samsas med grova vedeldade ytor. Kontrasterna fascinerar. För mig är det i mötet mellan det fina och fula som det intressanta uppstår.”

http://www.annielindgren.se/

Terje_Nordby_crop.jpg

Terje Nordby — forteljar
er kjend som dramatikar, forfattar og mytolog. Hans store interesse for mytar har resultert i ei lang rekkje radiosendingar av programmet "Myte­kalenderen" på P2 og bøkene med same namn. I fleire år arbeidde han som forfattar for Tramteateret, og på 90-talet som dramatikar for scene, radio og fjernsyn innan- og utanlands. Ti sceniske stykke føreligg i bokform, m.a. Isblomst, som han fikk Ibsenprisen for i 1995 og Come Back, Liza som vann ein internasjonal radioteaterpris. Han har òg skrive revy og satire m.a. til Nikkerne og Hallo i uken. Han foredreg og underviser om myter og klassisk litteratur gjerne i musikalsk samanheng, og er sjølv musikar (gitarist) og låtskrivar. Han har m.a. skrive tekstane til Anita Skorgans album "La høsten være som den er" (2013).

Ingeborg Christophersen – blokkfløyte
(f. 1985) tok master i blokkfløyte tidlegmusikk ved Syddansk Musikkonservatoriumi 2008. I 2010 avslutta ho fire års studier på Conservatorium van Amsterdam hjå Paul Leenhouts, og i 2011 fullførte ho sin mastergrad i cembalo ved Syddansk Musikkonservatorium. I 2003 mottok ho Norsk Tonekunstnersamfunds ærespris "Årets Musiker". Hausten 2013 var ho nominert til Statoils stipend. Ingeborg har vore solist med ei rekkje barokkorkester samt Operaorkesteret, Ukrainas nasjonale symfoniorkester og Kringkastingsorkestret. Ho har prosjekt i samarbeid med Rikskonsertene både i Norge og Bangladesh. I 2006 deltok ho med stor suksess i Kjempesjansen på NRK1, og i 2009 både som musiker og skodespelar, i forestillinga ”Salong” på Nationaltheatret. Det same året vann ho òg musikkonkurransen Toneprisen. I 2010 var Ingeborg solist i Vivaldi-konsertar i Jo Strømgrens ballett "Årstidene" i Den Norske Opera og Ballett

Ingvild Habbestad — fiolin
(f. 1983) fullførte sin mastergrad ved Noregs musikkhøgskole våren 2008, etter studier med Peter Herresthal. Under studiet hadde ho stipendiatplass i Oslo-Filharmonien. Ho har òg orkesterdiplom frå Kungliga Musikhögskolan i Stockholm, med stipendiatplass i Kungliga Filharmoniska Orkestern og Sveriges Radios Symfoniorkester. Hausten 2008 vart ho tilsett i Den Norske Opera & Balletts orkester. I 2010 vann ho prøvespel både i Kringkastingsorkesteret (KORK) og Oslo-Filharmonien og gjennomførte eit halvt år begge stader. Frå juni 2011 er ho å finna mellom 1.-fiolinistane i KORK. 

 

Erlend Habbestad — cello
(f. 1983) har ein mastergrad frå Norges musikkhøgskole etter studier med Aage Kvalbein og Truls Mørk. Han har òg studert i to år med Ola Karlsson ved Kungliga Musikhögskolen i Stockholm. Som frilansmusikar har Erlend spelt i Kringkastingsorkesteret, Det Norske Kammerorkester, Den Norske Opera & Balletts Orkester, Oslo Filharmoniske Orkester og andre. Frå januar 2014 er han tilsett i Den Norske Opera & Balletts Orkester. I perioden 2007-2012 var Erlend kunstnarleg leiar for Smôga Kammarmusikfestival.

Vegard Lund — lutt, theorbe og gitarar
har studert med Erik Stenstadvold ved Norges musikkhøgskole og med Nigel North ved Guildhall School of Music and Drama. Han er aktiv som luttist og gitarist og har turnert i store deler av Europa. Lunds solodebut i St John‘s Smith Square førte til engasjement for både BBC radio og fjernsyn. Sidan 1997 har han vore medlem av ensemblet Nordisk Barokk Kvartett. Han har samarbeidd med Sveriges Radiokor og Adolf Fredriks Bachkor i tillegg til oppdrag som solist med Det Norske Kammerorkester og Hertzberg-ensemblet som han leiar.Vegard Lund har jobba med fleire ensemble som har mellomaldermusikk som spesialitet blant annet Pro Musica Antiqua som kom med den kritikerroste CD-en «Cantio» i november 1999. Hausten 2000 var han musikalsk ansvarleg for forestillinga Vår Frans av Assisi på Det Åpne Teater i regi av Barthold Halle. Han har siden sommaren 2004 jobba med det nederlandske ensemblet The New Dutch Academy.mo

Joakim Nordin utsn.jpg

Joakim Nordin — trommer
(f. 1967) avla kandidateksamen ved Norges musikkhøgskole i 1990. Etter å ha vore frilansmusikar med oppdrag i samtlege norske symfoniorkester vart han i 1991 tilsett som soloslagverkar i Kringkastingsorkestret. Våren 1998 var han solist med orkestret. I tillegg til arbeidet som orkestermusikar har Nordin lang erfaring som trommeslagar og perkusjonist.  Vinteren 1995 hadde han eit lengre studieopphald i Los Angeles. Våren 2013 var han solist og musiker under eige namn i ein kammerkonsert i NRKs regi, med m.a. Håvard Gimse og Bjørn Rabben som medmusikarar.

 

Hilde Marie Kjersem.jpg

Hilde Marie Kjersem — song (også kjend under artistnamnet Marie Munroe) sin karriere starta på jazzscenen og er seinare utvida til popmusikk. I 2016 utgav ho ut sitt fjerde album Under My Skin. Kjersem har blitt nominert til to Spellemannprisar og har samarbeidd med m.a. Sivert Høyem og Jarle Bernhoft. Ho studerte jazz ved Norges musikkhøgskole frå 2000 til 2003 med gitaristen Jon Eberson, som førte til musikalsk samarbeid og resulterte i tre album. Ho starta òg bandet Tub Quartet, og med Tub Duo reiste ho i 2006 til Nepal og Katmandu finansiert av Rikskonsertane. I 2008 vart ho nominert til Spellemannpris for Årets Kvinnelige Artist. I 2013 vann ho Gammleng-prisen i kategorien Åpen Klasse og året etter Edvard-prisen.

Trond Kjelsås — piano
(f. 1982) er bachelor frå Norges musikkhøgskole med jazzpiano som hovudinstrument. Han har òg ein mastergrad i musikkteknologi frå same stad. Kjelsås er lærar i jazzpiano, hovudinstrument laptop, komposisjon og musikkteori ved Oslo by steinerskole, men har òg undervist i satslære, komposisjons- og jazzpianodidaktikk ved musikkhøgskulen. Han er elles ein dedikert lys- og lydmann med oppdrag for ulike teater og institusjonar. Som musikar har han samarbeidd med profilerte artistar som Tine Thing Helseth, Frank Brodahl, Eckhard Bauer, Børre Dalhaug og Håvard Bakke. I ein periode konserterte han òg med den norske gruppa The Pussycats.

 

Tom Ottar Andreassen — fløyte
(f. 1963 i Moelv) er ein norsk fløytist, filharmonikar, kammermusikar, dirigent og musikkpedagog. Han studerte med Torkil Bye og Ørnulf Gulbransen samt Andreas Blau i Berlin og Auréle Nicolet i Basel. Debutkonserten fann stad 1995 i Universitetets Aula med et samansett orkester under leiing av Antonio Papano. Han er professor ved Norges musikkhøgskole sidan 2009 og var tilknytt Barratt Due musikkinstitutts høgskoleavdeling i tidsrommet 1994-2014. Tom Ottar har vore solofløytist i Kringkastingsorkestret 1994-2014. Hausten 2014 vart han alternerande solofløytist i Oslo Filharmoniske Orkester. Han er òg sidan 1986 1.-fløytist i Det Norske Kammerorkester. Han er òg ein hyppig gjest som solofløytist i norske og nordiske orkester og har vore instruktør for Ungdomssymfonikerne og Valdres Sommersymfoni. Vidare har han spelt kammer­musikk i Wigmore Hall og gjesta orkester som WDR Sinfonieorchester i Köln og Stuttgart Philharmoniker. Han har òg vore tilknytt Malaysian Philharmonic Orchestra som solofløytist ved ei rekkje prosjekt.

Ingunn Lien Gundersen — obo
er utdanna ved Norges musikkhøgskole, der ho studerte med prof. Erik Niord Larsen.
Frå NMH har ho óg ein mastergrad i kammermusikk saman med Fannaråken Blåsekvintett. Ingunn har vore tilsett i Det Norske Blåseensemble sidan 2011. For tida jobbar ho mykje med klassisk improvisasjon gjennom Blåseensemblets satsing på sanntidsmusikk. Hun vert og jamleg nytta som oboist/kammermusikar i norske orkester og ensemble, samt at ho har turnert i inn- og utland — og til fjells, med Fannaråken Blåsekvintett.

Hans Christian Bræin — klarinett
studerte med soloklarinettist Monica Riefling i Oslo og professor Tage Scharff ved Det kongelige danske musikkonservatorium i København. I 1974 tok han til som alternerande soloklarinettist i Oslo Filharmoniske Orkester. Frå 1980 vart han musiker i Esbjerg Ensemble, Danmark. I 1990 vart han tilknytt Norges musikkhøgskole som førsteamanuensis, seinare professor i klarinett og kammermusikk. Bræin har hatt ein stor betydning som pedagog for ein heil generasjon unge klarinettistar. I 1993–1995 vart han atter tilsett som alternerande soloklarinettist i Oslo-Filharmonien. I ei årrekkje har han vore soloklarinettist i Det norske kammerorkester, og han har gjort mange plateinnspelingar, m.a. av Johannes Brahms’ samtlege verk for klarinett. Bræin har òg spela i Oslo-Filharmoniens Blåsesolistar, Oslo Sinfonietta og Cikada ensemble.

 

Marinette utsn..jpg

Marinette Tonning-Olsen — horn
vart utdanna ved Norges musikkhøgskole og ved musikkonservatoriet i Lyon (Conservatoire National Superieur de Musique et de Danse de Lyon). Marinette er fast tilsett i Kringkastingsorkestret, der ho for det meste spelar 2. og 4. horn, også kalt tutti horn. Ho er ‘ein racer’ på popmusikk og Mozart, og har spelt med Det Norske Kammerorkester, Farmers Market, Fannaråken Blåsekvintett og Adele.

Embrik Snerte.jpeg

Embrik Snerte — fagott
studerte i Oslo med Eirik Birkeland, og ved RAM i London med Rachel Gough og John Orford. Han har jobba i KORK sidan 2008. Før det var han tilsett i m.a Operaorkesteret og Forsvarets Musikkorps Nord-Norge. Embrik er ein dedikert utøvar av samtidsmusikk, som stifter av Ensemble Ernst, og som kjernemedlem av Oslo Sinfonietta. I tillegg spelar han improvisert musikk med ei rekkje av landets fremste jazzmusikarar, og dessutan el-bass i KORKs discoband. Embrik bur på Kolsås med si kjære og to born.

Rolv Olav Eide — trommer
er utdanna ved Jazzlinja ved Trøndelag musikkk-konservatorium. Han har spela med m.a. Tord Gustavsen, Mats Eilertsen, Olga Konkova, Henning Sommerro, Frikar Dance Company, Erik Jacobsen, Kristin Asbjørnsen, Maria Solheim, Tine Thing Helseth, Eli Kristin Hansveen, Ole Edvard Antonsen og Leif Ove Andsnes (med lausbart!) Dei siste åra har han vore slagverkar på friluftsspela Bronsebukkane på Hadeland og Peer Gynt på Gålå, og ca 1500 forestillingar med trommesirkuset Rubbel & Beat for Rikskonsertene.

Per Mathisen — bass
(f 1969 i Sandefjord) er ein norsk jazzbassist og komponist. Han studerte på jazzlinja ved Trøndelag musikkonservatorium 1991-93, deretter ved Berklee College of Music i USA Han har spela i mange band i Oslo-området, bl.a. Erlend Gjerde kvintett, Inge Stangvik kvartett og Storeslem, og gjorde plateinnspillinger med, Olga Konkova, «Her point of view» 1997, «Northern crossings» utgitt 2000 og «Some things from home» 2001, samt deres duoplate «Unbound» utgitt 2006. I 2001 turnerte han i Europa med Terri Lyne Carrington, og har elles spelt med ei rekkje internasjonale navn, som Geri Allen, Gary Thomas, Bill Bruford, Gary Husband, Ralph Peterson, Nguyên Lê og Terje Rypdal, og har frå 2003 vore medlem av jazzkollektivet NYNDK, kalla så fordi musikarane kjem frå New York, Norge og Danmark,

 

Sondre Fjose.JPG

Sondre Fjose Sandberg — fiolin
gjekk musikklina ved Voss gymnas med Per Gisle Haagenrud som lærar. Han var òg med i Griegakademiets Unge musikere-program, og har gjennom mange år vore ein aktiv deltakar i musikklivet i heimbygda Voss og rundt ikring i Hordaland. Hausten 2010 starta han sine fiolinstudier ved Noregs musikkhøgskule med førsteamanuensis Kolbjørn Holthe. Som 1.-fiolinist i Bergen unge kammerorkester, har han delteke på fleire turnear i inn og utland. I Ung Symfoni i Bergen var han i ein periode gruppeleiar på 2. fiolin. I 2009 var Sondre solist med Bruchs fiolinkonsert på Voss, og har delteke på meisterklassar med mellom anna Nikolaj Znaider og David Stewart.

Daniel Lyngstad.JPG

Daniel Lyngstad — fiolin
(f. 1991) er ein aktiv kammer- og frilansmusikar med basar i København, Trondheim og Oslo. Daniel er sidan 2017 tilsett på kontrakt i Copenhagen Phil og kombinerer dette med si øvrige musikkverksemd. Daniel har utdanning frå Barratt Due musikkinstitutt og Det Kongelige Danske Musikkonservatorium i København med lærarane Geir Inge Lotsberg og Serguei Azizian. Han har vore fiolinist i Quartesto sidan 2011. Ved sida av studiene og kvartettverkesemda var han konsertmeister for Ungdomssymfonikarane 2011-2104. I 2016 hadde han halvtårskontrakt i Trondheim Symfoniorkester og Trondheimssolistene. Han har og jobba med Oslo Camerata, Arctic Philharmonic, Diamanten Strings og Trondheim Barokk og vore solist med DKDMs kammerorkester og i Norsk Kammeroperas oppsetning Den gale enke. Daniel har vore dirigent for kammerorkesteret ved Sommermusikkskolen i Trondheim siden 2014 der han i dag òg er dagleg leiar. Vidare er han medstiftar og tidlegare leiar for kammermusikk-festivalen Fagerborgfestspillene 2014.

Arvid Resare s-k.jpg

Arvid Resare — bratsj
er fødd og oppvaksen i Karlstad der han tok til med si utdanning hjå Karin Danielsson. Etter vidare studier ved Musikhögskolan Ingesund, Norges musikkhøgskole samt eit utvekslingsår ved Shanghai Conservatory har han no avslutta sin mastereksamen i Oslo der han har studert med professor Lars Anders Tomter. Arvid har framtredd som solist med Norges musikkhøgskoles kammerorkester og var stipendiat i Oslo Filharmonien under deira seinaste sesong. Som frilansmusiker har han spelt med alle symfoniorkester i Oslo og på fleire av Noregs kammermusikkscenar; Risør Kammermusikkfest, Grieg in Bergen, Oseana kammermusikkserie, Sunday Classics og Dextra musicas konsertserie m.fl. Under året i Kina deltok Arvid flittig i Shanghais kammermusikkliv på scenar som Shanghai concert hall, Shanghai Symphony's chamber music hall, Zhonghua Yishu Gong, Zhenghe Museum, M on the Bund og Viva la Viola-festivalen.

 

Sverre Barratt-Due.png

Sverre Barratt-Due — cello
studerte med Truls Mørk ved Norges musikkhøgskole frå 2010. Som elev i Barratt Dues Unge Talenter, mottok han undervisning av Tove Sinding-Larsen, og seinare Bjørn Solum. Sverre har delteke i ei rekkje konserter ved Barratt Due musikkinstitutt, der han i 2008 òg hadde sin eigen recital. Han har halde ei rekkje solokonsertar i inn- og utland,  i 2009 ved Victoria International Arts Festival på Malta, og seinare på Nordland musikkfestuke. Hausten 2012 var han artist på Fartein Valen-festivalen i Haugesund med eigen konsert og kammermusikkonsert med m.a. Thormod Rønning Kvam og Guro Kleven Hagen. I Sparre Olsen-konkurransen vant han i 2004 prisen for beste tolking av en Sparre Olsen-komposisjon. I 2005 vant han klasse 2 i samme konkurranse. I Ungdommens musikkmesterskap fikk han i 2006 2. pris i sin klasse, mens han i 2008 fikk 1. pris og vann klasse 3 i same konkurranse.

 

Solfrid Molland.jpg

Solfrid Molland — pianist, trekkspelar, songar og komponist
frå Tysvær studerte klassisk piano ved Østlandets musikkonservatorium og Universitetet i Oslo. Solfrid vaks opp med russisk folkemusikk og sigøynarmusikk og vestleg kunstmusikk, noko som pregar komposisjonane og konsertane hennar. Ho har reist gjennom Europa som gatemusiker med det raude trekkspelet sitt. På reisene har ho lært songar av romfolket og skrive musikk inspirert av ulike katedralar på vegen. Musikken gav ho ut på to album ved Kirkelig Kulturverksted: Katedral for tapte drømmer (2011) og Musikken er mitt fedreland (2014). I 2015 ble hun tildelt Oslo Bys Kunstnerpris for dette arbeidet. På Forvandling (2016) har Molland skrive all musikken. Som komponist og utøvar har ho utvikla eit særprega tonespråk i møtepunktet mellom norsk visetradisjon, aust-europeisk folkemusikk og vestleg klassisk musikk.

Gjertrud.jpg

Gjertrud Økland — fiolin
er utdanna ved Norges musikkhøgskole og Lisztakademiet i Budapest, og tilsett i Stavanger Symfoniorkester. I tilegg til den klassiske kvardagen er Gjertrud ein av dei fremste musikarane i Noreg innanfor sigøynermusikksjangeren. Ho har reist til Budapest heilt sidan 80-talet og lært av dei beste. I 2010 fekk orkesteret hennar spellemannspris saman med komponisten Nils Henrik Asheim for utgjevinga "Mazurka Remaking Chopin". Ho har òg utgjeve 6 album med Gjertruds Sigøynerorkester som ho har drive i 25 år. Elles har ho medverka på fleire utgjevingar i Pål Jackman si gruppe Wunderkammer (1999-), på plater med Jon Balkes Magnetic North Orchestra (1994), Randi Tytingvågs debutalbum, Elias Akselsen, Morten Abel (Snowboy, 1997) og Thomas Dybdahl (Stray Dogs, 2003).

 

 

Torstein Kinn — kontrabass
har fire års musikkutdanning frå Høgskolen i Staffeldtsgate. Han har i ei årrekkje jobba med folke- og sigøynermusikkartistar som Raya Bielenberg, Balkansemblet og Solfrid Molland. Dei seinare åra har han òg omfattande turnear bak seg med artistar som Elisabeth Andreassen, Alexander Rybak, Didrik Solli-Tangen, Hanne Krogh og Marianne Antonsen.   

 

Kim Rysstad 3.jpeg

Kim André Rysstad — kvedar
(f. 1981) er ein vokalist og kvedar frå Rysstad i Valle kommune. Etter fleire år med undervisning innan klassisk song valde han i 2003 å studera folkemusikk. Han har vore elev av Kirsten Bråten Berg, Ragnhild Furholt og Agnes Buen Garnås, men har òg lært mykje av felespelaren Ånon Egeland. Rysstad har jobba med å tileigna seg den folkelege songstilen frå heimbygda, men òg frå resten av Agder og Telemark. Han har studert ved Folkekunststudiet i Rauland og ved Ole Bull Akademiet på Voss. Rysstad jobber òg mykje på tvers av sjangrar og hentar inspirasjon frå country, bluegrass, pop, samt kjende sangere som Whitney Houston og Dolly Parton. I 2012 deltok han i Melodi Grand Prix 2012 der han song «Så vidunderleg» med tekst og melodi av Elin Nygård. Han har òg vore deltakar i Beat for beat saman med Mari Klingen.

 

Christian Krogvold Lundqvist — trommer
(f. 1994, Vestby) kom i 2010 inn på Julliard School of Musics sommarskule for unge perkusjonistar. Christian har spelt sidan han var 6 år, i Vestby kulturskole tok han til med ein draum om å spela i rockeband. Deretter musikklina ved Ski vidaregåande. Samstundes tok han til på Norges musikkhøgskoles talentprogram «Unge musikere». No spelar han i alle sjangrar; klassisk, jazz, pop og rock. Christian er no alter­ner­ande soloslagverkar i Kringkastingsorkesteret.

 

_DSC0409.jpg

Om festivalen

Smôga Kammarmusikfestival vart etablert i 2007. Verksemda tok til då familien Habbestad kjøpte sitt ferieparadis, Smôga på Västra Näs i Årjängs kommun, Värmland i 2005, bygde eit hus som kunne nyttast til kammermusikkverksemd i 2006, og tok til med konsertar og festival året etter. Festivalen har deretter årleg vorte arrangert ei veke i juli, med sporadiske enkeltkonsertar i tidsrommet mai-august. Opp gjennom åra har fleire tusen menneske vitja staden. 
    Klassisk musikk, samtidsmusikk, jazz og folkemusikk har vore dei prioriterte område. I år er det òg rom for ein konsert med popbasert musikk (Bacharach).
    Nesten like viktig som sjølve konsertane er ramma ikring. I Smôga blir folk kjende med kvarandre; publikum, utøvarar og arrangørar. Dei som ynskjer det, har med mat til ein felles buffé — knytkalas—  som ein deler ute i dei naturfagre omgjevnadene, eller innomhus ved ulagleg vêr. 

 

Samarbeidspartnarar

Kyrkeruds Folkhögskola er no med på laget!
Frå og med 2017 har vi etablert eit samarbeid med vår nære granne, Kyrkerud Folkhôgskola. Folkehøgskulen har ein lang tradisjon for sommarkursverksemd for dei som vil prøva eller fordjupa sin kunnskap innan eit estetisk område. Det vert tilbode kurs i måleri, grafikk, keramikk, tekstil, foto, skulptur med meire. Somme av kursdeltakarane, under leiing av vår festivalkunstnar Annie Lindgren, har påteke seg å utsmykka vegen inn til Smôga og sjølve festivalområdet. Kursdeltakarane er vidare velkomne under spesielle vilkår på festivalen. 

 
 

Sponsorar

Bergesens_stiftelse_logo.jpg
RegV_silverblack_200x80 (1).jpg
kyrkerud_bw.jpg
_DSC0246.jpg

Föreningen Smôgas vänner

«Smôga kammarmusikfestival ska framstå som en professionell musikalisk begivenhet som har förmåga att lyfta fram lokala och regionala krafter på hög nivå».
 

Föreningen Smôgas Vänner stiftades den 7 juni 2009, och är en ideell, fristående förening. Föreningens syfte är att stödja och stimulera konsertverksamhet i Smôga, i synnerhet Smôga Kammarmusikfestival. 
    
Medlemskap i för­eningen erhålls genom inbetalning av en årsavgift, för närvarande 200 kr pr person, 300 kr för familj.

Normalt biljettpris vid konserter på Smôga är idag 200 kronor, men som medlem kostar en konsert bara 100 kronor. Detta gäller inte bara under festivalen, utan också alla andra evenemang.

Hur blir man medlem i Föreningen Smôgas Vänner?

Svenska medlemmar:
1)     Skicka ett meddelande med e-post till
    gote.pers@telia.com
    med följande uppgifter:
    namn • adress • e-postadress • telefon
    • antal medlemmar • inbetalad summa

2)    Sätt in 200/300 kr (eller valfri högre summa)
    till Föreningen Smôgas Vänner
    konto 639-0579.

Norske medlemer:
 1)     Send ein epost til:
    kjellhabbestad@me.com
    med følgjande opplysningar:
    namn • adresse • epostadresse • telefon
    antal medlemer • innbetalt sum

2)    Set in 200/300 kr (eller valfri høgare sum)
    til Föreningen Smôgas Vänner
    konto 9498.05.28272

Obs! Glöm inte att skriva avsändare!
Vi tackar på förhand för ditt stöd och hälsar dig välkommen till våra konserter!

 

Skilt.jpg
 

KART — VEGVISAR TIL SMÔGA

 

Vegvisar til Smôga:

1a: Frå Oslo: 
    Avstand: 12 mil — ca. 2 timar
    E18: Oslo — Ski — Askim — Ørje — svenskegrensa — Töcksfors — Årjäng.
    Like før (vest om) Årjäng sentrum — ta av til høgre på veg 172 mot Bengtsfors. 
    Etter ca 6 km, ta til venstre mot Näs.

1b: Frå Stockholm:
    E18: Stockholm — Örebro — Karlstad  — Årjäng.
    Passér avkøyring til Årjäng. Ta så av til høgre og kryss til venstre på vei 172 mot Bengtsfors. 
    Etter ca 6 km, ta til venstre mot Näs.

1c: Frå Bengtsfors:
    Veg 172 forbi Gustavsfors, Söpplanda, Ekeby camping, Slemtegen — til Lysed. 
    Ta til høgre mot Näs.

2: Følg deretter nedomståande kart over Näs og Smôga
    og konsertskilt som er sette opp i alle vegskilje.

 

ÅRJÄNGSKART

 

 
 
 

KART OVER NÄS

Dei nummererte felt markerer KONSERT-skilt

Smôgas posisjon:  59°20’22.7”N      12°08’01.4”E

20110726-_DSC3908.jpg
 
 

Kontakt

Smôga Kammarmusikfestival

Kjell Habbestad

+47 926 31 350

kjellhabbestad@me.com

https://m.facebook.com/smogafestival/

Galleri