IMG_0067.JPG
 

  Come Rain —

      or Come Shine!

 

29 juni - 8 juli 2018

IMG_9081.JPG

Program

Årets tema har fleire innfallsvinklar. For det første er songtittelen frå 1946 (M: Harold Arlen, T: Johnny Mercer) grunnlaget for tittelen på ein av årets hovudattraksjonar; jazzgruppa Come shine (som altså har valt å droppa regnet). For det andre har jo tittelen sterke referansar til vêret som me er så avhengige av på vår festivalarena. Noko modig og raust ønskjer me begge deler velkomne — men gjerne med størst vekt på Shine. Songteksten inkluderer noko av alt: i tjukt og tynt, i vondt og i godt; koma det som koma vil — høgt som eit fjell, djupt som ei elv, lukkelege eller ulukkelege omstende, skya eller solrikt, om ein har pengar eller ikkje, uansett vil me alltid vera glade og driva på, er hovudbodskapen — som vel kan høva for vår 12-årige festivalverksemd.

 

Fredag 29. juni kl 18

PAML

Planarbeidernes Musikklag rundar 35 år. Bandet vart starta i årsskiftet 1979/80 som eit husorkester for Oslo Byplankontor. I dag framstår bandet som eit 10 manns ministorband, etter mønster frå storbanda på 1920-talet. Repertoaret har tyngde­punkt i komposisjonar av Duke Ellington, Jerry Roll Morton med fleire. 


Laurdag 30. juli kl 12

Matiné: Die schöne Müllerin

med barytonsongaren  Johannes Held og pianisten Daniel Beskow. Die schöne Müllerin (op. 25, D. 795), Franz Schuberts songsyklus basert på dikt av Wilhelm Müller, er rekna som eit av Schuberts viktigaste verk. Verket er skrive i 1823, medan Schubert òg var oppteken med operaen Fierrabras. Han var 26 år på den tida. Verket vart publisert i 1824. Utdrag av syklusen vert framført ved denne matinékonserten. 

 


Sundag 1. juli kl 18

Come Shine

Live Maria Roggen, vokal, Erlend Skomsvoll, piano, Håkon Mjåset Johansen, slagverk og Sondre Meisfjord, bass — er ei av dei fremste jazzgruppene i Noreg. Deira kjennemerke er framføring av standardlåtar i ukonvensjonelle versjonar. Skomsvoll er ein framifrå arrangør, også kjend frå sitt samarbeid med Chick Corea og Pat Metheny. Come Shine har samarbeidd med bl.a. Kringkastingsorkestret og Trondheim-Solistene og samarbeidd med profilerte gjesteartistar som bluesgitaristen Knut Reiersrud og poeten Jan Erik Vold, og fleire gonger vore nominert til og fått Spellemannprisen.

 


Måndag 2. juli kl 18

Tango en Smoega

m/ Sverre Indris Joner – piano, Almir Meskovic – akkordeon og Unionskvartetten. Sverre Indris Joner er ein pionér innan latinamerikansk musikk i Noreg og grunnleggjar av ei rekkje band: Tango for 3, La Descarga, Salzumba, Electro­cutango og Hovedøen Social Club. Almir Meskovic utøver eit stort repertoar i sjangrane barokk, samtids-, folke- og verdensmusikk. Han har gjeve meir enn 500 konsertar i ei rekkje europeiske land i tillegg til Bosnia og Herzegovina, Serbia og Kroatia og Noreg. Unionskvartetten: Sara Övinge og Ingvild Habbestad – fiolin, Lars Bryngelsson – bratsj og Erlend
Habbestad – cello. 


Tysdag 3. juli kl 18

Når ord blir musikk

Songaren Helga Johanne Størdal og gitaristen Ole Martin Huser-Olsen sakna den nye norske poesien i repertoaret, og kopla fire norske komponistar; Gisle Kverndokk, Marcus Paus, Ewa Serafin og Kjell Habbestad med fire samtidspoetar, Catherine Blaavinge Bjørnevog, Ulrik Farestad, Casper André Lugg og Ruth Lillegraven. Resultatet har blitt ein heilaftans konsert med rykande ferskt reper­toar.


Onsdag 4. juli kl 18

Nordisk aftan

Ingvild Habbestad – fiolin og Joachim Kwetzinsky – piano framfører musikk av komponistar frå tre nordiske land: Noreg, (m.a. Fartein Valens fiolinsonate) Sverige og Finland. Ingvild Habbestad er sidan 2011 å finna mellom 1.-fiolinistane i Kring­kastingsorkesteret. Ho er òg styre­medlem og ein av drivkreftene i Smôga Kammarmusik­festival. Pianisten Joachim Kwetzinsky har halde konsertar i meir enn 20 land, utgjeve fleire album og urframført ei rekkje verk. 

 

Torsdag 5. juli kl 18

Carnevale di Venezia

Barokkensemblet Venezianerne (Ingeborg Christophersen, Ingvild Habbestad, Jadran Duncumb, Joakim Nordin og Erlend Habbestad) presenterer, saman med dramatikeren Terje Nordby, eit tidlegmusikkprogram med utgangspunkt i karnevalets Venezia. Terje Nordby var forfattar for Tram­teateret og har hatt norsk og internasjonal suksess som dramatikar. Hans interesse for mytar har resultert i ei rekkje radiosendingar med programmet "Mytekalenderen" på P2, som òg føreligg i bokform.


Fredag 6. juli kl 18

Svartskog Spelemannslag

med Frode Haltli,  Maja S. K. Ratkje og Maria Larsson. Gammaldans i Smôga! (Til denne konserten håpar me på ‘come shine'). Svartskog spelemannslag er starta av Maja S. K. Ratkje og mannen hennar, Frode Haltli, begge profilerte artistar/komponistar av internasjonalt format, men òg med sans for musikken i lokalmiljøet. Dette er, som laget sjølv uttrykte det, Svartskog Spelemannslag sitt første utanlandsengasjement! ‘Riksspelman å månskensbonde, musiketnolog å fiolfröken,’ Årjängs Maria Larsson presenterer dei svenske tradisjonane. 

 

Laurdag 7. juli kl 15

Vannklang

Ein levande lydinstallasjon av Maja S. K. Ratkje med born som utøvarar. Komponisten har dei siste åra vore engasjert av organisasjonen nyMusikk til å gjera komposisjonsverk­stad og innspelingar med born over heile landet. Resultatet har blitt den lokalt forankra lydinstallasjonen «Vannstand» som har vore sett opp i ulike kystbyar. I Smôga skal Ratkje laga ein levande variant av verket. Musikken er inspirert av vatn og bølgjer — så det passar jo i grunnen bra!.

 

Laurdag 7. juli kl 18

SponMoen, Haltli & Askeland

Den vidkjende sopranen Ann-Helen Moen (som m.a. alternerte med Cecilia Bartoli(!) i rolla som Semele (Händel) i Zürich) har valt seg ut dei beste musikarar; sambuaren Atle Sponberg, som i ei årrekkje var konsertmeister i Kringkastingsorkesteret, pianisten Reidun Askeland og akkordeonisten Frode Haltli. Saman framfører dei eit innhaldsrikt program som m.a. inneheld Griegs Haug­tussasongar (i jubileumsåret), dessutan verk av Bach, Biber, Strauss, Kreisler, Brustad — og sanneleg òg ein porsjon tango!

 

 

Sundag 8. juli kl 15

Duo Tö

Torun Stavseng – cello, Anna Christensson – piano, Sibelus, Mankell, Rachmaninov. Torun  arbeider i eit stort musikalsk spenn som solist, kammermusikar og leiande cellist i Aurora Orchestra,. Ho har vore solist med mange orkester, er medlem i TrioTaus, Tre Voci og Cikada. Anna Christensson studerte, som Torun, ved KMH/Edsberg; har opptredd i alle nordiske og ei rekkje øvrige europeiske land, og fått fleire utmerkingar og prisar.

 

_DSC0566.jpg

Medverkande

Trond Hübertz.jpg

Trond Johan Hübertz — tenorsaksofon
Det ville føra for langt å presentera alle medverkande i bandet PAML.Trond Hübertz, mangeårig bandmedlem og årleg initiativtakar til Sluzzjazz i Lennartsfors, får her stå som representant for bandet. Trond er utdanna sivilingeniør frå NTH i Trondheim. Han har i mange år fungert som rådgjevar innan leiing og utvikling og m.a. utgjeve boka ‘Tankesprang. Autentisk adferd i kommunikasjon.’ Han har òg vore bedriftsleiar i fleire teknologibedrifter. I seinare tid har han fordjupa seg i filosofi og naturvitskap. Trond tok til å spela saksofon i 45 års alder og kom med i Planarbeidernes Musikklag snart etter. For 10 år sidan flytta han til eit skogsbruk i søndre Värmland, og ligg ikkje på latsida. Med PAML har han no spela i meir enn 20 år. 

Held c-Andrej-Grilc lite.jpg

Johannes Held — baryton
fullførte sitt studium med Susanna Eken, operaakademiet i København i 2013. Deretter var han fast ensemblemedlem i Staatstheater Oldenburg der han m.a. framstod som Papageno, Falke og Guglielmo. Sidan var han solist ved Den Kongelige Opera i København, ved Staatstheater Mainz og Bozen. Som konsert og liedsongar har han gjort Elias med Vogtland Symphonie og Faurés Requiem, samt Mahlersongar i Bozen og Trient med orkesteret Fondatione Haydn, samt songar av Schubert med Sinfonischen Orchester Sizilien. Eigenproduksjonen hans, ein sceneversjon av Winterreise, med pianist Daniel Beskow har vore meir enn 30 gonger framført over heile Europa.

.

(c) Daniel Andrej Grilc-mindre.jpg

Daniel Beskow — piano
debuterte i København 2012. Han har turnert mykje som solist og kammermusikar med konsertar i Grieghallen og på Troldhaugen i Bergen, Berwald Hall i Stockholm, Tivoli Concert Hall i København og kammermusikkfestivalar i Danmark, Sverige og Tyskland. I 2015/16 gav han ein del framføringar av ein scenisk versjon av Schuberts Winterreise saman med barytonen Johannes Held, i Gävleborg og Galerie der Stadt Sindelfingen samt i Theaterhaus Stuttgart og Schubertfestival i Roskilde. Han har òg reist med eventyrprogrammet “Sagolikt” med Cornelia Beskow i svenske slott, med ulike Mozart-program, nordiske romansar i Kalmar and Gränsö slott med tenoren Anders Nilsson, og mangt anna.

Live Maria Roggen 2.jpg

Live Maria Roggen — vokal
(f 1970) er også tekstforfattar og komponist, har studium i utøvande jazz og musikkteknologi frå Jazzlina, NTNU (1995–98). Ho var seinare jazz- og songlærar ved Sund folkehøgskole, Høgskolen i Agder (musikkonservatoriet) og Jazzlina (NTNU). Sidan 2006 har ho vore fast tilsett ved Norges musikkhøgskole, frå 2012 som professor i jazzsong. I 2007 kom soloplata Circuit songs som vann Spellemannprisen i Åpen klasse. Sidan 2004 har ho vore medsongar og ein av drivkreftene i vokalensemblet Trondheim Voices, som ho òg har komponert for. I 2009 starta ho og pianist Helge Lien duoen LiveLien med originalskriven musikk til tekstar av norske lyrikarar, coverlåtar og jazzlåtar. I tillegg til Come Shine og andre grupper har Roggen sunge med m.a. Trondheim Jazzorkester, Dingobats og Bugge Wesseltoft. I 2008-09 deltok ho i fire hyllingskonsertar ‘Til Radka’ saman med Arild Andersen, Jon Eberson og Jon Christensen, m.a. i Den norske Opera & Ballett. I 2006-2009 song ho tango- og jazzkomposisjonar i Atle Sponberg og Frode Haltlis "La Fuente".

 

erlend-skomsvoll.jpeg

Erlend Skomsvoll – piano
(f 1969 i Bærum) er norsk jazzmusiker (piano og tuba), komponist og arrangør, utdanna ved Jazzlina NTNU (1996–1998), der han medverka i Come Shine. I 2000 vart han tilsett i Norsk kulturråds aspirantstilling ved Midt-norsk jazzsenter, og har fungert som utøvar, dirigent og arrangør for Trondheim Jazzorkester, m.a. i samarbeid som har inkludert Pat Metheny, New York Voices ogChick Corea. Han har òg samarbeidd med Oslo Filharmoniske Orkester, Madrugada, Bodø Sinfonietta, Trondheim Musikkteater, osb. I 2003 motok han De unges Lindemanpris. Han komponerer alt til sitt eige «Skomsvoll Orkester» (etablert 1996) vidareført i «Skomsork». Bandet vart nominert til Spellemannprisen. I 2008 ledet han kvartetten Skoms til utgjeving av CD og DVD. I 2014 utgav han albumet Holberg Variations saman med Christian Ihle Hadland og orkesteret 1B1. For albumet fekk dei Spellemannprisen 2014 i klassen klassisk. Skomsvoll fekk i 2014 Buddyprisen frå Norsk jazzforum.

Håkon-Mjåset-Johansen.jpg

Håkon Mjåset Johansen – slagverk
(f. 1975 i Trondheim) er ein norsk jazzmusiker kjend frå fleire utgjevingar. Han fullførte studiene ved Jazzlina NTNU i Trondheim i 1995 og vart først kjend som medlem av trioen Urban Connection, kåra til «Årets unge jazzmusikarar» i 1998. Samstundes var han med og grunnla bandet Motif, spelte i Come Shine og i Trondheim Jazz Orchestra, m.a. med Chick Corea på Moldejazz i 2000. Han har òg spelt i ei rekkje andre norske band, samt med Michael Brecker, Steve Grossman, Jan Garbarek, Mark Turner, Roger Kellaway, Knut Riisnæs, Silje Nergaard, John Pål Inderberg, Bjørn Alterhaug, Nils Petter Molvær, Egil Kapstad, m.fl. I 2008 vart han utpeikt som den første NTNU-jazzambassadør, ein tittel som årleg seinare har vorte vert tildelt ein jazzartist eller -gruppe. I 2013 vant han DnB-prisen på Kongsberg Jazzfestival. Håkon er òg ridder av Polyhymnia.

Sondre Meisfjord, Tidens Krav.jpg

Sondre Meisfjord – bass
(f 1975 i Oslo) er ein norsk jazzmusiker (kontrabass), oppvaksen på Frei, Nordmøre og utdanna ved Jazzlina NTNU (1998–2001). Han har motteke Spellemannprisen (2002) med jazzgruppa Come Shine (1998–2003), spelt norsk folkemusikk i trioen Flukt, tyggegummipop i DinoSau (2001–), klezmermusikk med Urban Tunélls Klezmerband (2004–), cooljazz i John Pål Inderbergs The Zetting, pop i Siri Gjæres band, samt medverka i Trondheim Jazzorkester/Pat Metheny. Andre musikarar han har samarbeidd med er Odd Nordstoga, Dadafon, Kringkastingsorkestret, Trondheim­Solistene, Kari Bremnes, Dipsomaniacs, Gjermund Larsen, Tord Gustavsen, og Stig Rennestraum.

 

 

Sverre Indris Joner.jpeg

Sverre Indris Joner — piano
(f. 1963 i Oslo) er ein norsk komponist, musikar (piano og perkusjon) og skodespelar. Sverre er ein pionér innan latinamerikansk musikk i Noreg. Han er utdanna som musikar frå Universitetet i Oslo og Concervatorio Cervantez i Havanna. Joner starta sin musikalske karriere i afro-reggaebandet Destiny i 1979, og er grunnleggjar av ei rekkje band, deriblant Tango for 3, La Descarga, Salzumba, Electrocutango og Hovedøen Social Club. Han har komponert og arrangert musikk til ei mengd filmar, teaterstykke og CD-innspelingar. Han har arrangert og komponert musikk for, og vore solist med, ei rekkje symfoniorkester. m.a. BBC Symphony Orchestra, alle dei store norske orkestrera, Det Norske Kammerorkester, Dresden Symphonische Orchester, Munchner Rundfunk Orchester, Bremen KammerPhilharmonie, Komische Oper Berlin, Göteborg Symfoniker, Umeå Symfoni­orkester. I 2005 fikk han Edvard-prisen for Tanghost. Han komponerte musikk til, og deltok som utøvande musikar/skodespelar i danseteaterforestillinga @lice av koreografen Kjersti Alveberg, som turnerte i Norge i regi av Riksteatret og Rikskonsertane.

Almir, mindre.jpg

Almir Meskovic — akkordeon
er i ferd med å etablera eit internasjonalt omdøme både som klassisk akkordeonist, og som ein allsidig musikar som tenkjer innovativt. Han vart uteksaminert frå masterstudiet Master’s in Performance ved Noregs musikkhøgskule i 2014. Almir utøver eit stort repertoar i sjangrane barokk, samtids-, folke- og verdensmusikk. Han har gjeve meir enn 500 konsertar i ei rekkje europeiske land i tillegg til Bosnia og Herzegovina, Serbia og Kroatia og Noreg. I dag er Almir etablert som solist og kammermusikar, og samarbeider med mange musikarar og institusjonar. Hans prosjekt involverer m.a. andre Yaakov Rubinstein, Alejandro Drago, NRK, Telenor, Arc Music. Særleg kjend er han for sin tolkande stil og improvisasjonar over bosnisk folkemusikk.

 

sara_ovinge.jpg

Sara Övinge — fiolin
f. 1988 i Norrköping, starta med å ta fiolintimar i fireårsalderen, og gjorde sin første opptreden som solist med Norrköping Symfo- niorkester seks år gammal. Ho har diplomutdanning ved Noregs musikkhøgskule, og hausten 2010 tok ho Artist Diploma in Perform- ance ved Royal College of Music in London. Sara Övinge har opp- tredd som solist i ulike europeiske land og har motteke talrike stipend, utmerkingar og prisar. Ho har stor røynsle som solist med m.a. Nordisk Ungdomssymfoniorkester, Kongelige norske marines musikkorps, Bergen Filharmoniske Orkester, Kringkastingsorkesteret og Göteborg Symfoniorkester. Frå hausten 2014 er ho tilsett som 2. konsertmeister ved Den Norske Opera & Balletts orkester.

 

Ingvild Habbestad.jpg

Ingvild Habbestad — fiolin
(f. 1983) fullførte sin mastergrad ved Noregs musikkhøgskole våren 2008, etter studier med Peter Herresthal. Under studiet hadde ho stipendiatplass i Oslo-Filharmonien. Ho har òg orkesterdiplom frå Kungliga Musikhögskolan i Stockholm, med stipendiatplass i Kungliga Filharmoniska Orkestern og Sveriges Radios Symfoniorkester. Hausten 2008 vart ho tilsett i Den Norske Opera & Balletts                 orkester. I 2010 vann ho prøvespel både i Kringkastingsorkesteret (KORK) og Oslo-Filharmonien og gjennomførte eit halvt år begge stader. Frå juni 2011 er ho å finna mellom 1.-fiolinistane i Kring­kastingsorkesteret.  

 

.

lars-bryngelsson.jpg

Lars Bryngelsson — bratsj
(f. 1984 i Hamar, Norge) vaks opp i Köla i Sverige. I femårsalderen tok han til å spela fiolin med pappa Lennart som lærar. Etter eit par år byrja Lars i Eda Musikskola og spela for Anna Persson og seinare også Yvonne Bergström. Etter gymnaset flytte Lars attende til Noreg for å ta si høgskuleutdanning. Der studerte han med Lars Anders Tomter. År 2007 tok han sin eksamen og heldt deretter fram med ein mastergrad med Terje Moe-Hansen og Tomter. I 2009 vart han fast tilsett i Den Norske Opera & Balletts Orkester. Lars har òg vore aktiv som frilansande musikar og har m.a jobba i Oslo-Filharmonien, KORK, Kungliga Filharmonikerna, Svenska Radions Symfoniorkester, Camerata Nordica m.fl.

 

Erlend_Habbestad.jpg

Erlend Habbestad — cello
(f. 1983) har ein mastergrad frå Norges musikkhøgskole etter studier med Aage Kvalbein og Truls Mørk. Han har òg studert i to år med Ola Karlsson ved Kungliga Musikhögskolen i Stockholm. Som frilansmusikar har Erlend spelt i Kringkastingsorkesteret, Det Norske Kammerorkester, Den Norske Opera & Balletts Orkester, Oslo Filharmoniske Orkester og andre. Frå januar 2014 er han tilsett i Den Norske Opera & Balletts Orkester. I perioden 2007-2012 var Erlend kunstnarleg leiar for Smôga Kammarmusikfestival.

Patrick Wilder 3.0.jpeg

Patrick Wilder — kontrabass
(f. 1982) kjem frå ein musikalsk familie som flytta til Noreg i 1984. Etter å ha spelt cello frå 6-årsalderen gjekk han over til kontrabass i tenåra, og tok til slutt ein utøvande bachelor ved Norges musikkhøgskole under Knut Guettler og Dan Styffe. Han har vore tilsett som alternerande solokontrabassist i Den Norske Opera og Balletts orkester sidan 2008 og vikarierer óg jamnleg i dei fleste orkester i Noreg samt Göteborgs symfonikarar og radioorkestera i Berlin. Han er òg ofte instruktør for Ungdomssymfonikerne og Norsk Ungdomssymfoniorkester (NUSO). Patrick er òg ein flittig kammermusikar og fast medlem av Oslo Fat String Quartet. (Foto: Vilde Alette Monrad-Krohn).

Helga Størdal.jpeg

Helga Johanne Størdal — sopran
bur i Fredrikstad og er sopran og tekstforfatter, utdanna frå Universitetet i Oslo og Norges musikkhøgskole. Ho har eit repertoar som spenner frå renessansen til vår tid, men er særleg kjend for sine tolkningar av barokk-, wienerklassisk og samtidsmusikk. Helga likar å samarbeida med nolevande komponistar og har gjort ei rekkje plateinnspelingar.

 

Ole M Huser-olsen-foto-fb.jpg

Ole Martin Huser-Olsen — gitar
oppvaksen i Fredrikstad, har mastergrad i utøvande klassisk gitar frå Norges musikkhøgskole. Han har turnert mykje både i Norge og i utlandet og repertoaret strekkjer seg frå renessansen til modernismen og den nyaste samtidsmusikken. Ole Martin er ofte solist, men arbeider òg kammermusikalsk med musikarar som m.a. barytonen Knut Skram, Ensemble Ernst, Ensemble Aksiom.

 

Terje Nordby 2.jpeg

Terje Nordby — forteljar
er kjend som dramatikar, forfattar og mytolog. Hans store interesse for mytar har resultert i ei lang rekkje radiosendingar av programmet "Myte­kalenderen" på P2 og bøkene med same namn. I fleire år arbeidde han som forfattar for Tramteateret, og på 90-talet som dramatikar for scene, radio og fjernsyn innan- og utanlands. Ti sceniske stykke føreligg i bokform, m.a. Isblomst, som han fikk Ibsenprisen for i 1995 og Come Back, Liza som vann ein internasjonal radioteaterpris. Han har òg skrive revy og satire m.a. til Nikkerne og Hallo i uken. Han føredreg og underviser om myter og klassisk litteratur gjerne i musikalsk samanheng, og er sjølv musikar (gitarist) og låtskrivar. Han har m.a. skrive tekstane til Anita Skorgans album "La høsten være som den er" (2013).

 

Ingeborg.jpg

Ingeborg Christophersen — blokkfløyter
(f. 1985) tok master i blokkfløyte tidlegmusikk ved Syddansk Musikkonservatorium i 2008. I 2010 avslutta ho fire års studier på Conservatorium van Amsterdam hjå Paul Leenhouts, og i 2011 fullførte ho sin mastergrad i cembalo ved Syddansk Musikk­konserva­torium. I 2003 mottok ho Norsk Tonekunstnersamfunds ærespris "Årets Musiker". Hausten 2013 var ho nominert til Statoils stipend. Ingeborg har vore solist med ei rekkje barokkorkester samt Operaorkesteret, Ukrainas nasjonale symfoniorkester og Kring­kastings­orkestret. Ho har prosjekt i samarbeid med Rikskonsertene både i Norge og Bangladesh. I 2006 deltok ho i Kjempesjansen på NRK1, og i 2009 både som musiker og skodespelar, i forestillinga ”Salong” på Nationaltheatret. Det same året vann ho òg musikk­konkurransen Toneprisen. I 2010 var Ingeborg solist i Vivaldi- konsertar i Jo Strømgrens ballett "Årstidene" i Den Norske Opera og Ballett.

 

 

Jadran Duncumb (1 of 1).jpg

Jadran Duncumb — lutt og theorbe
er av engelsk og kroatisk opphav, men frå niårsalderen vaks han opp nær Oslo. Han bestemte seg for å studera musikk då han nådde finalen i “BBC Young Musician of the Year” som gitarist. Han starta studia ved Royal College of Music under Gary Ryan. men vende seg snart mot theorbe og  continuo-spel, samt luttleksjonar med Jakob Lindberg. Etter fullførte gitarstudier bar det til Staatliche Hochschule für Musik i Trossingen med Rolf Lislevand. Han vart uteksaminert som Masters in lute and baroque guitar with distinction i 2015, men heldt fram til ny master i basso continuo. In 2015 vann han òg 1. pris ved “Maurizio Pratola” luttkonkurranse in L’Aquila, Italia. Endå Jadran framleis elskar  klassisk gitar, fokuserer han no meir på solo repertoar for barokklutt og -gitar så vel som kammermusikk.

 

Joakim Nordin.jpg

Joakim Nordin — trommer
(f. 1967) avla kandidateksamen ved Norges musikkhøgskole i 1990. Etter å ha vore frilansmusikar med oppdrag i samtlege norske symfoniorkester vart han i 1991 tilsett som soloslagverkar i Kring­kastingsorkestret. Våren 1998 var han solist med orkestret. I tillegg til arbeidet som orkestermusikar har Nordin lang erfaring som tromme­slagar og perkusjonist. Vinteren 1995 hadde han eit lengre studie­opphald i Los Angeles. Våren 2013 var han solist og musiker under eige namn i ein kammerkonsert i NRKs regi, med m.a. Håvard Gimse og Bjørn Rabben som medmusikarar. 

 

 

Maria Larsson, ed. (1 of 1).jpg

Maria Larsson — fele
kallar seg sjølv «Riksspelman å månskensbonde, musiketnolog å fiolfröken». Ho er òg administrator ved Kyrkeruds folkhögskola. Saman med sambuaren Jakob og dyra hennar bur ho på slektsgarden i Kôllere nordom Årjäng. «Här driver vi ett månskens-småbruk med mestadels gamla svenska lantraser. Jag spelar fiol i olika band som vart och ett passar utmärkt för sina olika tillfällen.» Maria gjer også solooppdrag og «varvar musiken med att kåsera och berätta med utgångspunkt ifrån mina studier i t.ex. genus och lokal folklivsforskning.» Undervisning ligg henne varmt om hjarta og med bakgrunn i musiketnologistudier samt ei pedagogutdanning i fiolin byr ho på alt frå fiolinleksjonar og spelekurs til etnologiforeleesningar. 

SvartskogSpelemannslag.jpg

Svartskog spelemannslag
er, i ulike tydingar, eit ungt ensemble, starta på initiativ av Maja S. K. Ratkje og drive saman med mannen Frode Haltli, begge profilerte artistar/komponistar av internasjonalt format, men òg med sans for musikken i lokalmiljøet, kanskje ikkje minst med utgangspunkt i at borna deira er elevar i Oppegård kommunale musikkskule og deltakarar i ensemblet. Det er òg to av våre barneborn. Spelemannslaget hadde si første framføring på dansefesten ved Grendehuset Solheim på Svartskog 5. juni 2015 med musikarar frå berre to familiar, no er det mange fleire, både eldre og yngre; med kontrabass og banjo som siste tilskot. Dette er, som laget sjølv har uttrykt det, Svartskog spelemannslag sitt første utanlandsengasjement! Det vert folke- og dansemusikk av mange slag, samt ei kort innføring i gammaldans, og deretter knyte.

 

Frode Haltli (1 of 1).jpg

Frode Haltli — akkordeon
(f. 1975) studerte akkordeon ved Norges musikkhøgskole og Det Kgl. danske musikkonservatorium, der han avslutta solistklassen i 2000. Under Festspela i Bergen 2000 vart han kåra til Rikskonsertenes ‘Årets unge solist 2001’. Debut-CD’en Looking on Darkness (ECM) mottok Spellemannprisen 2002 i klassen for samtidsmusikk. I 2007 kom Passing Images (ECM) med Haltlis re-komposisjonar av og improvisasjoner over norsk folkemusikk. Frode har spelt på festivalar og konsertar i Europa, Russland, Amerika og Asia og vore solist med ei rekkje orkester over heile verda. Her heime har han spelt mykje i radio og på TV, fleire CD’ar og opptredd kring i nesten heile Noreg og på dei store musikkfestivalane. I tillegg til i POING spelar Frode òg med Trygve Seim (ECM) og norsk folkemusikk med musikarar som Gjermund Larsen, Vegar Vårdal og Unni Løvlid. Frode underviser i akkordeon ved Norges musikkhøgskole.

 

 

Maja (1 of 1).jpg

Maja Ratkje — komponist og utøvar
(f. 1973 i Trondheim) har blitt framført av Ensemble Intercontemporain, Klangforum Wien, Fretwork, BBC Scottish Symphony Orchestra, Red Note Ensemble, Avanti! kammerorkester, Arve Tellefsen, Spunk, Poing, og mange fleire, samt dei aller fleste norske orkester og sinfoniettaer. Ho har vidare blitt portrettert med konsertar over heile Europa, Canada og USA samt vore festivalkomponist ved Trondheim Kammermusikkfestival, Nordland Musikkfestuke, Avanti! Summer Festival i Finland og i Huddersfield. Ho har motteke ei rekkje prisar i inn- og utland; m.a. Arne Nordheims komponistpris, Edvardprisen (to gonger), UNESCOs Rostrumpris samt Award of Distinction for soloplata Voice i 2003. Ein 90 minutt lang tysk dokumentarfilm av IJ Biermann kom 2015: Voice – sculpting sound with Maja S. K. Ratkje. I 2017 vart ho teken opp som medlem i Akademie der Künste, Berlin. Maja er òg kjend som utøvar, først og fremst av eigne verk, og som improvisasjonsmusiker m.a. i gruppa Spunk og saman med ei lang rekkje andre samarbeidspartnarar. I 2013 var ho nominert til Nordisk Råds musikkpris for sin stemmebruk, same år fikk ho Rolf Gammleng-prisen for deltaking på over 100 plateutgjevingar. Ratkje har òg gitt ut bok på Aschehoug: Eksperimentell kvinneglam. Ho engasjerer seg aktivt i miljøkampen bl.a. gjennom aksjonsgruppa Stopp oljesponsing av norsk kulturliv.

 

Ann-Helen Moen Jan Alsaker.jpg

Ann-Helen Moen — sopran
studerte på Griegakademiet i Bergen og ved Operaakademiet i København under Susanna Eken,  før ho vart tilsett ved operaen i Graz, Austerrike. No bur ho i England og arbeider som freelance-songar. Ho har sunge over heile Europa og i USA, der ho hadde sin debut i Carnegie Hall med m.a. Leif Ove Andsnes. Ho alternerte med Cecilia Bartoli i rollen som Semele (Händel) i Zürich, og vart invitert attende året etter av barokkspesialisten William Christie. Ved sida av ei rekkje barokkoperaer har ho sunge rollar som Donna Anna, Donna Elvira og Zerlina i  Don Giovanni, Grevinna i Figaros bryllup, Pamina i Tryllefløyten, Sandrina i La finta giardiniera, Mimi i La bohème, Lauretta i Gianni Schicchi og Madama Butterfly, Tatjana i Eugene Onegin, Micaëla i Carmen og Anne Trulove i The Rake’s Progress. Ho har òg gjort CD-innspelingar av m.a. Haugtussa, samt songar av Catharinus Elling og Frederick Delius, sistnemnde med Bergen Filharmoniske Orkester og Sir Andrew Davis for Chandos. (Foto: Jan Alsaker).

 

AtleSponberg_fotoMadsKuhnleAndresen_web-1325x800.png

Atle Sponberg — fiolin
er aktiv som solist, kammermusikar og orkesterleiar og har turnert overalt i Norge, og på festivalar over heile Europa, i USA og i Australia. Han har vore solist med Oslo Filharmoniske orkester, Kringkastingsorkesteret, Bergen Filharmoniske, Kristiansand symfoniorkester, Tromsø kammerorkester, Pori Sinfonietta i Finland og samarbeidd med dirigentar som Rolf Gupta, Ari Rasilainen, Walter Weller og Andrew Manze. Også som kammermusikar har han gjesta mange europeiske land, og spela med ei rekkje ensemble. Han har òg utgjeve ein heil del CD’ar, m.a. ”Quietude” med Gjøvik Sinfonietta, Tango for 3, fleire CD-ar med Engegårdkvartetten samt innspelingar med ny musikk. Ein av hans store lidenskapar er argentinsk tango, som han har studert i Buenos Aires. Han er òg kunstnarleg leiar for det profesjonelle orkesteret Gjøvik Sinfonietta, konsertmeister i Kringkastings-orkesteret og spelar tango i er rekkje ensembler. Atle Sponberg spelar på ein fiolin laga av Giovanni Battista Guadagnini i Milano i 1752, utlånt av Sparebankstiftelsen. (Foto: Mads Kuhnle Andresen.)

 

 

Reidun Askeland 3.jpg

Reidun Askeland — piano
var fødd og oppvaksen i Bergen. Sidan 1980 har ho hatt ein aktiv karriere både som solist og kammermusikar. Ho har vunne fleire nasjonale og internasjonale prisar og gjort ei rekkje CD-innspelingar. Reidun har opptredd i Europa, Asia og USA, ofte i TV og i tallause radio-opptak. Ho spelar eit vidt repertoar frå det 17. århundre til samtidsmusikk. Vidare akkompagnerer ho òg songarar og spelar kammermusikk – særleg saman med strykarar.
I seinare år har ho gjeve eigne recitals, og utvikla ein stil som bringar henne i nær kontakt med publikum. Ho skapar kontrastfylte program som ofte utforskar dynamikken mellom  verk av dei store meistrane med musikk av dagens komponistar. Hennar pedagogiske engasjement inkluderer arbeid ved Norges musikkhøgskole, Barratt Dues Musikkinstitutt og Toneheim Musikkskole i Hamar. (Foto: Bente Skjefstad.)

 

Torun Stavseng.jpg

Torun Stavseng —cello
studerte ved Barratt Dues Musikkinstitutt, Hochschule für Musik Stuttgart og Edsberg/Kungliga Musikhögskolan. I 2010 mottok ho Kungliga Musikaliska Akademiens ærespris i framføring av Brittens cellosymfoni med Royal Philharmonic Orchestra. Same år fekk ho the Young Swedish soloist prize og hovudcelliststillinga i Helsingborg Symfoniorkester der ho arbeidde til 2012. Andre solistoppdrag inkluderer Oslo Filharmoniske Orckester, Helsingborg Symfoniorkester og Oslo Camerata. Torun har opptredd ved ei rekkje festivalar og motteke mange prisar og utmerkingar. Saman med fiolinisten Liv Hilde Klokk og bratsjisten Ida Bryhn dannar ho TrioTaus som framfører klassisk og romantisk triorepertoar. I 2017 utgav dei sitt debutalbum med musikk av Mozart og Schubert. I 2012 etablerte ho Tre Voci saman med cellistane og komponistane Gregor Riddell og Colin Alexander, som framfører alt frå transkripsjonar av renessansekoralar til nye bestillingar. I januar 2014 utgav dei sitt debutalbum. Sidan 2013 har Torun vore medlem av samtidsmusikkensemblet Cikada og Cicada Strykekvartett. Torun er òg grunnleggjar og creative director i Krantz, ein ny kammermusikkserie i Oslo saman med pianisten Mathias Halvorsen. Torun har vore hovudcellist ved ei rekkje orkester, som Kungliga Operan Stockholm og Det Norske Kammerorkester. I 2014-16 var ho òg gjestande som hovudcellist i Kringkastingsorkesteret. Ho spelar no på ein cello av Matteo Goffriller (1725) på generøst utlån frå Dextra Musica Sparebankstiftelsen.

Anna Christensson.jpg

Anna Christensson — piano
studerte på KMH/Edsberg under Anders Kilström og Mats Widlund, men har òg fått leksjonar med ei rekkje andre musikarar, m.a. András Schiff, Ferenc Rados, Jiri Hlinka og Rita Wagner. Sidan diplomkonserten i 2007 har ho opptredd i alle nordiske og baltiske land, samt Storbritannia, Frankrike, Tysk­land, Italia, Sveits, Nederland, Austerrike, Russland og USA. Ho har fått fleire utmerkingar, m.a. førstepris i Pianopedagogförbundets konkurranse i 2002, andrepris i Ljunggrenska konkurransen i 2007, stipend frå Kungl. Musikaliska Akademien samt andrepris i Solistpriset 2010. Ho har vore solist med Kungl. filharmonikerna, Göteborgs symfoniker, Uppsala Kammarorkester samt Gävle og Helsingborgs symfoniker og har eit særs breidt klassiske og romantiske repertoar, men òg musikk som ufortent er gløymd; t.d. på dobbel CD’en frå 2009 med musikk av Henning Mankell den eldre. På same label (Capriccio/Naxos) utgav ho òg "Rosenberg Piano Works". Anna är òg fast medlem i Curious Chamber Players, eit samtidsensemble, der ho har medverka ved talrike oppføringar. 

_DSC0409.jpg

Om festivalen

Smôga Kammarmusikfestival vart etablert i 2007. Verksemda tok til då familien Habbestad kjøpte sitt ferieparadis, Smôga på Västra Näs i Årjängs kommun, Värmland i 2005, bygde eit hus som kunne nyttast til kammermusikkverksemd i 2006, og tok til med konsertar og festival året etter. Festivalen har deretter årleg vorte arrangert ei veke i juli, med sporadiske enkeltkonsertar i tidsrommet mai-august. Opp gjennom åra har fleire tusen menneske vitja staden. 
    Klassisk musikk, samtidsmusikk, jazz og folkemusikk har vore dei prioriterte område.
    Nesten like viktig som sjølve konsertane er ramma ikring. I Smôga blir folk kjende med kvarandre; publikum, utøvarar og arrangørar. Dei som ynskjer det, har med mat til ein felles buffé — knytkalas—  som ein deler ute i dei naturfagre omgjevnadene, eller innomhus ved ulagleg vêr. 

 

Samarbeidspartnarar

Kyrkeruds Folkhögskola er no med på laget!
Frå og med 2017 har vi etablert eit samarbeid med vår nære granne, Kyrkerud Folkhôgskola. Folkehøgskulen har ein lang tradisjon for sommarkursverksemd for dei som vil prøva eller fordjupa sin kunnskap innan eit estetisk område. Det vert tilbode kurs i måleri, grafikk, keramikk, tekstil, foto, skulptur med meire. Kursdeltakarane er velkomne under spesielle vilkår på festivalen. 

http://www.regionvarmland.se/folkhogskolor/kyrkeruds-folkhogskola/vara-utbildningar/sommarkurser/

Festivalkunstnarar

I år har vi ikkje berre éin, men tre festivalkunstnarar, som vil stilla ut langs skogsvegen, dei siste hundremetrane til Smôga. Kunstnarane er alle elevar ved Kyrkeruds folkhögskola. Dei er: 

Anne Lindblad.png

Anne Lindblad
frå Göteborg arbeider mest med keramikk, men tykkjer det er spennande å blanda ulike material. Mennesket og naturen er hennar største inspriasjonskjelder.

Emma Koppfeldt.png

Emma Koppfeldt Scott
kjem frå Långserud, Säffle kommune, og har så lenge ho kan minnast hatt interesse for det kreative, På gymnaset lærde ho design og etter studiene tok ho til på Kyrkeruds folkhögskola. Ho arbeider mest skulpturelt, med likar dei fleste materiale og teknikkar.

Pontus Karlsen.png

Pontus Karlsen
er fødd og oppvaksen i Årjäng og jobbar med keramikk, nesten utelukkande skulpturelt, der han anvender seg av psykologiske temaer for å formidla sin bodskap. 

Eit døger i Årjäng?

Konsertane i Smôga finn for det meste stad på kveldstid (kl. 18). Kva om ein ville ha med seg fleire konsertar; finst det noko å fylla tida med i Årjäng Svaret er JA. Årjängs kommun har litt av kvart å by på — ein 18-hols golfbane, padling, vandreturar, (t.d. skulpturparken langs vegen frå Årjäng til Kyrkerud) http://www.kulturturista.com/skulpturpark-kyrkerud-arjang/  sykkel, dressin-tur mellom Årjäng och Bengtsfors, rideturar, fiske, overlevingskurs, fjellklatring, rappellering, symjehall, sporthall, Trollet i Årjäng, Dalslands Kanal, ei rekkje vakre kyrkjer og hembygdsgårdar, Travbanen med Nordiska Travmuseet, Långelanda Tingshus, Blomskog med sogespelet Amerikabrevet (i juli), slusene i Töcksfors, Lennartsfors og Gustavsfors osb. Jo — det skulle vera nok å ta seg til. Ta turen til vakre Värmland!
https://www.visitarjang.se/sv

 

 

Innkvartering/boende

Best Western Hotel Årjäng
I år har vi inngått avtale med Best Western Hotel Årjäng med spesialpris for våre gjester, kr. 990 pr. dobbeltrom (mot normalt kr. 1.590)  ved at den bestillande oppgjev at ho/han er konsertpublikum i Smôga.

Best Western Hotel Årjäng
http://www.hotelarjang.com

Tel: +46 (0) 573-130 59
Epost: service@hotelarjang.com

Adress: Claras Torg 1
672 31 Årjäng

hotel arjang logo slogan.png

Andre overnattingsalternativ er:

 Årjängs Camping & Stugor Sommarvik
http://www.sommarvik.se

Telefon: +46 (0)573 120 60
Epost: booking@sommarvik.se

Adress: Sommarvik Strand
672 91 Årjäng

 

Ekeby Camping, Breviken
http://ekebycamping.se

Telefon: +46(0)57331900
E-post: info@ekebycamping.se

Adress: Källtegen Ekeby
67292 Årjäng

 

 

Sponsorar

Bergesens_stiftelse_logo.jpg
RegV_silverblack_200x80 (1).jpg
Skjermbilde 2018-05-05 kl. 19.23.42.png
_DSC0246.jpg

Föreningen Smôgas vänner

«Smôga kammarmusikfestival ska framstå som en professionell musikalisk begivenhet som har förmåga att lyfta fram lokala och regionala krafter på hög nivå».
 

Föreningen Smôgas Vänner stiftades den 7 juni 2009, och är en ideell, fristående förening. Föreningens syfte är att stödja och stimulera konsertverksamhet i Smôga, i synnerhet Smôga Kammarmusikfestival. 
    
Medlemskap i för­eningen erhålls genom inbetalning av en årsavgift, för närvarande 200 kr pr person, 300 kr för familj.

Normalt biljettpris vid konserter på Smôga är idag 200 kronor, men som medlem kostar en konsert bara 100 kronor. Detta gäller inte bara under festivalen, utan också alla andra evenemang.

Hur blir man medlem i Föreningen Smôgas Vänner?

Svenska medlemmar:
1)     Skicka ett meddelande med e-post till
    gote.pers@telia.com
    med följande uppgifter:
    namn • adress • e-postadress • telefon
    • antal medlemmar • inbetalad summa

2)    Sätt in 200/300 kr (eller valfri högre summa)
    till Föreningen Smôgas Vänner
    konto 639-0579.

Norske medlemer:
 1)     Send ein epost til:
    kjellhabbestad@me.com
    med følgjande opplysningar:
    namn • adresse • epostadresse • telefon
    antal medlemer • innbetalt sum

2)    Set in 200/300 kr (eller valfri høgare sum)
    til Föreningen Smôgas Vänner
    konto 9498.05.28272

Obs! Glöm inte att skriva avsändare!
Vi tackar på förhand för ditt stöd och hälsar dig välkommen till våra konserter!

 

Skilt.jpg
 

KART — VEGVISAR TIL SMÔGA

 

Vegvisar til Smôga:

1a: Frå Oslo: 
    Avstand: 12 mil — ca. 2 timar
    E18: Oslo — Ski — Askim — Ørje — svenskegrensa — Töcksfors — Årjäng.
    Like før (vest om) Årjäng sentrum — ta av til høgre på veg 172 mot Bengtsfors. 
    Etter ca 6 km, ta til venstre mot Näs.

1b: Frå Stockholm:
    E18: Stockholm — Örebro — Karlstad  — Årjäng.
    Passér avkøyring til Årjäng. Ta så av til høgre og følg bru over E18 til 172 mot Bengtsfors. 
    Etter ca 6 km, ta til venstre mot Näs.

1c: Frå Bengtsfors:
    Veg 172 forbi Gustavsfors, Söpplanda, Ekeby camping, Slemtegen — til Lysed. 
    Ta til høgre mot Näs.

2: Følg deretter nedomståande kart over Näs og Smôga
    og konsertskilt som er sette opp i alle vegskilje.

 

ÅRJÄNGSKART

 

 
 
 

KART OVER NÄS

Dei nummererte felt markerer KONSERT-skilt

Smôgas posisjon:  59°20’22.7”N      12°08’01.4”E

20110726-_DSC3908.jpg
 
 

Kontakt

Smôga Kammarmusikfestival

Kjell Habbestad

+47 926 31 350

kjellhabbestad@me.com

https://m.facebook.com/smogafestival/

Galleri